JAM DE CREACIÓN: 2010/12

27/12/10

ISTO É

Nos lugares menos teatrais é posible que non se poda facer teatro -daquel que todos temos á nosa memoria-, pero ninguén pode negar que algunhas das propostas mais interesantes do teatro que estúdase nos libros de historia do teatro xurdiron en lugares non destinados á teatro.
Tampouco é o caso, neno. Ben, entón direi que o que ninguén pode negar é sinxelamente que nun espazo dedicado a tomar cafés tamén -ademais de poñer por riba da mesa o uso da lingua- pódese probar a facer.
Isto é o que é importante, creo, ou ao menos dame a min tal impresión. Probar á facer.
Probar a facer pode chegar a ser un método empírico de determinar que a nosa vontade como artistas da escena ten un sentido lúdico e vital, probar a facer pode ser unha maneira de tumbar o que pensábamos con prexuizos sobre isto e aquilo, ou poñer en evidencia ao receptor real en loita co receptor ideal. Probar a facer pode ser un atrevimento experimental, unha innovación poética, unha poética política ou simplemente un compartir. Un compartir, especialmente un compartir. Xa, vale, isto é.
Isto é.

J. F.